香港赛马|小潘排1檔操連捷馬

「旺旺神駒」操畢後氣定神閒，成哥在旁忙於打點。

沈集成馬房列陣第3場一班1400米的「旺旺神駒」，續夥拍上仗贏馬功臣潘明輝出擊，今早馬匹最後試跑，由助手快試拍廐侶「非凡達」跳兩段，走勢洶湧有勁，態況保持勇銳，今鋪排1檔起步會更好跑，期望可再下一城。

「旺旺神駒」試跑完畢，練者同時在機坪接馬及檢視一番，雖然唔係潘明輝操，但小潘亦好著緊，不知從哪裡突然走咗出嚟拍住成哥齊齊睇馬，兩人有傾有講滔滔不絕，似是商討搏殺大計咁款，動態惹人注目。