上周三谷戰，懷疑有人蓄意將馬簿拋出草地跑道。
依家隨街亂拋垃圾，定額罰款三千蚊，都幾阻嚇吓，尤其經濟不景氣，對普羅大眾嚟講，中咗招真係骨都赤，一個禮拜早餐都唔敢轉凍飲，但係乖乖哋唔做垃圾蟲，行得正企得正，又係咪唔會中招？咁又未必！
話說上周三谷戰，跑到五陵會鑽禧挑戰盃，當群駒衝線後，「正氣青驅」大熱贏馬，影晒頭馬相同頒完盃，正當記者妹埋頭苦幹WhatsApp報料嗰陣，途經近終點位，就即刻有本馬簿喺佢面前飛過，再直墮草地跑道，稍為行快一步，一定被顏射。回過神後，兇手已不翼而飛，據知當時附近有好多三唔識七嘅人士，部分仲係酒鬼，仲好似貓貓哋，相信呢單嘢好大機會有人借醉行兇，好在本馬簿冇掟中人同馬，否則大把手尾跟，行為令人髮指，其實睇番老閉，一定搵到兇手，真係罰佢三千蚊都嫌少！
初步提供:
第3場(2)威武覺醒+(5)非惟僥倖
第9場(2)合夥奔馳+(7)太陽拍檔
連贏及位置Q過關 2串3共8注